Færslur: 2008 Nóvember

29.11.2008 15:41

Hetjublogg !


Hér er svo mikið að segja að ég vona að ég nái að koma því öllu frá mér á rit.

Á miðvikudaginn var mikil spenna í loftinu og mikil eftirvænting þar sem Salka var skráð þann dag. Morguninn leið og sá ég að tíkin væri byrjuð með hríðar sem alltaf jukust. Ég hljóp til að koma tíkinni í hvolpakassa og gera allt kósí og fínt fyrir hana. Hringdi í Auði sem ætlaði að hjálpa mér með Þórir nú eða hina fjóra hundana á heimilinu.Um hádegi var komin rembingur og vorum við nú alveg viss um að nú væri fyrsti hvolpurinn að líta dagsins ljós. Allt kom fyrir ekki..tíkin var að kveljast..eftir nokkra stund datt sóttin alveg niður og allur rembingur. Salka stóð bara upp fór út að pissa og aftur inn og var hin hressasta. Ég hringdi í dýralæknir sem fullvissaði mig um að þetta væri nú eðlilegt..Já ..já sagði ég treg..
Sóttin byrjaði aftur og byrjaði hún að rembast en þá byrjaði hún að garga að labba í hringi..okkur var ekki farið að lítast á blikuna þarna og tíkin orðin verulega þreytt. Við hringdum aftur í dýra og ég sagði að þetta væri ekki eðlilegt og sagði hann mér að koma strax með hana.

Við brunuðum með tíkina til dýra og það var eins og það var eins og hendi væri veifað..um leið og við komum inn þá var tíkin hin hressasta vildi bara spæja pleisið og ég leit út fyrir að vera móðursjúkur eigandi. En tíkin var skoðuð og ákveðið var að fara með hana strax í keisara.

Við fórum því heim og biðum frétta við símann.

Síminn hringdi looooksins kl 23:30 og máttum við koma að sækja tíkina og hvolpana hennar en hann varaði mig við og sagði að þetta hefði verið mikið stærri aðgerð en þau áttu von á.

Ég get ekki líst tilfinningunni sem ég fékk þegar að ég labbaði inn hjá Dýra þegar að við sáum Sölku liggjandi á gólfinu með næringu í æð og í krampakasti. Ég sá bara..ég heyrði ekkert..ég bara stóð eins og frosin og horfði.

Þegar ég loksins fékk heyrn þá heyrði ég að legið hafi snúist við og þetta hafi verið verulega ljót og erfið aðgerð. Miklar innvortis blæðingar og og áverkar á innyflum. Legið var það illa farið að það þurfti að fjarlægja það.

Við vorum frosin.

Við fórum heim með tíkina og hvolpana í legokassanum hans Þóris. Fyrsta nóttin tók við og ég var á vakt að hlú að Sölku sem skalf og titraði af miklum blóðmissi. Fyrsti hvolpurinn dó þá nótt.
Við tók erfiður dagur,Salka sárþjáð og ég að reyna að kynna hana fyrir hvolpunum. Nei takk þessa ljótu hamstra vildi hún ekki sjá. Þannig að viðtók pelinn. Ég fór í hlutverk móður.Gefa þeim á tveggja klukkutíma fresti og nudda þá og örva til að kúka.

Aðfaranótt föstudags lést annar hvolpur hjá okkur,hún var of máttvana.Við gerðum allt sem í okkar valdi stóð til að halda í henni lífi en allt kom fyrir ekki.

Það var mikil sorg á heimilinu.

En öll él birtir upp um síðir og Salka er farin að hressast og farin að gefa þeim spena og þrífa þessu ljótu hamstra sem allt í einu,eru kannski ekkert svo ljótir...

Í dag heilsast móður og börnum vel. Hún liggur í kassanum hjá þeim og þrífur þau leyfir þeim að dröslast á sér.

Þetta hafa verið mjög viðburðaríkir dagar hér hjá Leirdals ræktun og skipst á skin og skúrir. Ég vil líka þakka öllum sem hafa hringt í okkur og sent tölvupósta innilega fyrir. Það er svo gott að finna fyrir samhug og hlýju frá ykkur. Ég vil líka þakka Auði og Sjönu fyrir alla hjálpina.
Læt fylgja með myndir af krílunum sem fengið hafa nafn.


Á spena hjá mömmu sín.

Leirdals Ófeigur

Leirdals Líf

20.11.2008 21:58

Óléttan og kvef

Já góðan og blessaðan daginn!

Hér eru allir búnir að liggja í flensu undanfarna viku eða svo. Þórir búin að vera sárlasinn greyið litla og svo tók ég við af honum. Stuð stuð stuð á bæ ..stuð á Liiiiindartúúún.
En þetta er nú allt að koma hjá okkur;)

Salka hefur það rosalega fínt. Hún er orðin á stærð við fótboltarvöll en ótrúlega hress miða við það. Hún er nú samt aðeins farin að veigra sér við að fara upp og niður allar þessar tröppur hér í húsinu enda ófáar tröppurnar hér skal ég segja ykkur.
Ég er alltaf að reyna að ná af henni mynd en um leið og ég kem að henni þá stendur hún upp og horfir á mig með þessum svip.."já einmitt, eins og þú vildir láta taka myndir af þér þegar þú varst á stærð við fótboltavöll?"!... 
                                     
So, Am I Glowing Yet? Dog
Mér kveið aðeins fyrir því að vera með hana kasólétta og 4 aðra hunda á heimilinu en þau eru ótrúlega tillitssöm við hana bumulínu. Fjóla eins og alltaf er í brjáluðu hlutverki aðalþrífarans á heimilinu og núna þegar Salka er orðin stíf og þreytt þá þrífur Fjóla hana alla hátt og lágt bæði kvölds og morgna. Með eindæmum gæðablóð hún Fjóla mín.

Eina sem virkilega hefur borið á er matgræðgi í henni Sölku óléttu..enda með fótboltalið þarna inni"!   Ef það dettur á gólfið á hún það"!  Eeeeenginn annar "!

Við fengum heimsókn á þriðjudaginn frá Svönu en hún ætlar einmitt að fá hvolp frá Sölku og Britten. Ofsalega gaman að fá hvolpakaupendur í heimsókn áður en hvolparnir koma, sínir bara áhuga og kann ég að meta það.
Við erum reyndar mjög ánægð með fólkið sem er á lista hjá okkur. Allir mjög spenntir og vilja fá að fylgjast með og ekkert nema gaman að því.

Ég reyni að setja inn myndir af henni áður en hún gýtur..reyni það allavega.

Þangað til næst...Dísa Mæja

04.11.2008 09:34

Snyrting

Vegna fjölda eftirspurna hef ég ákveðið að setja inn hér nýtt í valmyndina undir Snyrtingar.
En ég tek að mér að snyrta fyrir sýningar nú eða að baða og snyrta fyrir jólin. Þó nokkrir eru þegar komnir með tíma fyrir jólabaðið í ár en ég enn nokkra lausa tíma. 
                                                Dog Getting a Bath
Vinsamlega hafið samband við mig í síma 868-9455 eða á disamaeja@simnet.is .
Bestu kveðjur Þórdís
  • 1
Flettingar í dag: 144
Gestir í dag: 42
Flettingar í gær: 281
Gestir í gær: 57
Samtals flettingar: 1179873
Samtals gestir: 158291
Tölur uppfærðar: 13.12.2018 12:41:52
clockhere

Upplýsingar

Nafn:

Leirdals ræktun

Farsími:

+354 868 9455

Heimilisfang:

Garðbraut 43

Staðsetning:

250 Garður

Heimasími:

+354 421 4619

Um:

Þessi síða er tileinkuð okkar hundum og okkar ræktun. Endilega hafið samband ef þið hafið spurningar!

Tenglar

Útlit hannað af Seddu