Fréttir

Jæja komin tími á fréttir hjá okkur, mikið búið að gerast frá síðustu færslu.

Það gengur rosalega vel með alla hvolpana á sínum nýju heimilum og eru þeir búnir flest allir að tvöfalda þyngd sína frá því þeir fóru að heiman :)
Myndin er af Leirdals Sóley á nýja heimilinu sínu ;)

Tj fór aftur heim til Bretlands 2.júní og komu eigendur hans til landsins og eyddum við viku saman uppí sumarbústað og skoðuðum við landið í leiðinni. Þessi mynd var tekin af Tj við Skógarfoss.

Tvöföld sumarsýning Hrfí var haldin helgina 21-22 júní og skráðum við Viktor "Cockergold so u think u can dance" og fékk hann fyrsta meistarastigið sitt :)
Eins og sést á myndinni þá var hellidemba en það var samt rosalega gaman að sýna báða dagana svona úti. Þetta er í fyrsta skiptið sem Hrfí er með útisýningu. Sýningin var haldin í Víðidalnum og gerðum við bara smá "útilegu" úr þessu og gistum við á tjaldstæðinu þessa helgi. Dagný og Brynhildur takk kærlega fyrir helgina :)

5 hvolpar fæddust hjá okkur laugardaginn 7.júní en því miður dó einn. Eru því 2 tíkur og 2 rakkar.
Mamman er Leirdals danske Helle(Lily) og pabbinn er Travellers joy of malpas (TJ). Þetta er því síðasta gotið hans Tj á Íslandi en fyrsta gotið hennar Lilyar.
Hvolparnir braggast vel og ég læt fylgja með eina mynd af þeim að fá að borða sjálfir

Frekari upplýsingar um hvolpana er að finna í síma 868-9455 eða sendið mér póst á leirdals@leirdals.is

Þangað til næst ...Dísa Mæja

Skrifað af Dísa Mæja

Tengill á færslu

Bæta við áliti

Sýna álit

Færslur: 2014 Júní

30.06.2014 08:20

Fréttir

Tenglar